среда, 20.08.2008 во 00:15 CEST бр. 354: Клеј Ширки на TED
Новата технологија и координацијата. Клеј Ширки на ТЕД 2005. Објавен во јули оваа година.
Тука.
недела, 17.08.2008 во 12:34 CEST бр. 353: Мртви врски
Еве почнав сериозно да ја рагледувам можноста за миграција на блогов на некоја посовремена (да не речам web2.0) платформа. Меѓу другото сега проверувам што сѐ имам закачено овде, преместувам слики на фликр, поправам врски и сл.
Една година до целта (стигнав до јуни 2007) и го гледам записот за, по многу нешта, контроверзниот избор за Наградите за светскиот самит.
Па еве, еден од тогашните победници Портал: Дигитизација на националното наследство, веќе не постои на Интернет. Тогаш, во 2007, коментирав дека овој портал воопшто не ни треба да учествува на изборот.
петок, 15.08.2008 во 09:32 CEST бр. 352: Визните проблеми на британците
Па, пред неколку недели од страницата на The Economist симнав еден специјален извшештај за „електронскиот бирократ“. Се надевав дека за/од него ќе напишам нешто интересно за тоа како овој влијателен весник гледа на прашањето за електронска влада. Но, не стигнав подалеку од првиот пасус и слатко се изнасмеав на не-е-влада моментот:
Ат 6.15AM on a December morning the streets of central London are cold, dark and offer little for the omnipresent CCTV cameras to record. But outside the Indian High Commission 109 people are sleepily waiting for the visa section to open. David Robb and his friend are first in line, huddled in sleeping bags behind a windbreak since 3am, to ensure visas for a planned holiday in Goa. Nearly all his fellow-sufferers in the queue have booked their air tickets and sometimes their entire holiday on the internet, paying with a credit card. Those electronic signals move information almost at the speed of light billions of times faster than the shuffling, shivering humans in the visa queue. "In this day and age? Bleeding disgusting," is Mr Robb’s pithy comment on the Indian visa system.
Знам дека овој извадок вака е прилично надвор од контекст. Веќе неколку реда подолу, авторот ја руга и амбасадата на САД за своите визни практики во Обединетото Кралство. Сепак, ова горе некако премногу потсетува на сликите од амбасадите во Скопје.
Мило ми е што не патиме сами.
четврток, 14.08.2008 во 14:51 CEST бр. 351: Лесиг на iCommons во Јапонија
Предавањето на Лорен Лесиг на годинешниот iCommons Summit: врска.
Ова е едно од неколку што Лесиг ги одржува во последно време, каде што објаснува за својот (умерен) став кон прашањето за авторските права.
Слично на ова предавање, е и она од 23c3: врска.
Но, овде на крај има едно интересно соочување со Џон Пери Барлоу (мислам), па секако го препорачувам тој дел.
Ова ако не ви здосадил да го гледате. :)
Патем, Лесиг (ќе) има и нова книга: врска.
Дополнување: во последно време сѐ нешто се појавува информација дека Лери го одржал „последното“ предавање. Пред последното да биде она на iCommons, последно беше ова на Стенфорд: врска. :)
вторник, 12.08.2008 во 22:39 CEST бр. 350: Стив Џобс за животот, универзумот и останато
Ми се чини дека сум ги читал овие приказни, но штом веќе ми влета видето со говорот на rss, можам да го ставам и на блог.
http://www.youtube.com/watch?v=UF8uR6Z6KLc
вторник, 12.08.2008 во 18:06 CEST бр. 349: За „Доаѓаат сите“ на Клеј Ширки
Тамам се спремав да ја купам, кога ете ти рецензија на неттајм (поточно Мјут) од Феликс Сталдер. Според она што го прочитав, Ширки прилично еднострано ја третира целата оваа тема за Web2.0. Многу неотворени прашања:
Clay Shirky's Here Comes Everybody is reputed to be the best book ever written on Web 2.0. By why the strange silence on questions of copyright, privacy and ownership?
И додека сигурно е интересна за читање:
‘Communication tools don't get socially interesting until they get technologically boring.’ If a single sentence can represent the entire book, it must be this one. For one, it's great writing.
Ми се чини дека недостатокот на разговор за некои клучни теми е недопустливо. Штета.
Yet, there are a lot of things that are less cute about the newly boring technologies which Shirky chooses to ignore. Shirky stresses the decentralised, ad-hoc mode of new organisations, yet they are based on very complex infrastructures that are highly centralised and that create near infinite potential to manipulate the social interactions that take place through them. These are not neutral enabling devices.
Оние кои беа на Glocal2.0, се сеќаваат, а оние кои не беа можат сега да дознаат, дека едно од клучните прашања кои беа поставени (Марсел зборуваше на долго за ова) и можеби едно од прашањата кои беа најизбегнувани беше токму контролата над корисниците што ја имаат големите Web2.0 сервиси.
Thus, there is a tension at the core of the Web2.0 phenomenon created by the uneasy (mis)match of the commercial interests of the companies and social interests of their users. All this social interaction takes place within privately owned spaces so that users are basically faced with a take-it-or-leave-it decision that few of them are really aware of. There is a structural imbalance between the service providers who have a tangible incentive to expand their manipulative capacities and the average users who will barely notice what's going on, since it would require a lot of effort to find out. To believe that competitive pressures will lead providers to offer more freedoms is like expecting the commercialisation of news to improve the quality of reporting.
Ми се чини ова се доволно цитати за кој и да е да стане заинтересиран за рецензијата на Феликс (кој барем за мене бил доста корисен во изминативе години со своите проникливи коментари).
Можете да ја прочитате на страниците на Мјут: врска. (А можете да си земете и pdf.)
Дискусијата на неттајм исто така е интересна. Ловинк напишал еден горе-долу оправдувачки текст за Ширки. Интересно да се прочита во секој случај.
Ова е првичната порака. Другите изгледа сѐ уште не се архивирани. Ако одлучите да ја ѕирнете архивата не го пропуштајте и Patrice Riemens на тема Flickr vs Maartin Dors (многу поврзано со контрола на корисниците).
По ова, не знам дали уште сакам да ја купувам книгата, уште повеќе поради тоа што Феликс вели дека видеото е доволно. Ех... :)
понеделник, 11.08.2008 во 14:56 CEST бр. 348: Летен шопинг на книги
Ако не одите на одмор и имате некој денар повеќе тогаш можете да ја посетите Икона во Рамстор. Донеле повеќе добри книги што вреди да се пролистаат и прочитаат.
Набрзина разгледувајќи ги штандовите ги препознав „Доаѓаат сите“ од Клеј Ширки (видео - ако е ова точната врска треба да заврши некогаш и на СподелиКино), „Пурпурна крава“ од Сет Годин и збирка со делата на Х. П. Ловеркрафт (забелешка: не знам од каде ми е познат овој писател, изгледа нешто сум читал за него штом сум го запамтил доволно добро за да го препознаам на полица).
Исто така, на полиците има повеќе книги од интересната едиција на The Economist.
Цените се можеби малку посолени. Сепак планирам да се вратам деновиве таму со пари во џеб. :)
недела, 10.08.2008 во 11:13 CEST бр. 347: PDF-а на scribd.com
Сабајлево ги средував pdf документите на компјутеров. Пронајдов некои документи за кои не сум знаел дека постојат (и повеќето од нив завршија во ѓубре). :)
Сепак, нешто заврши и на Интернет. Отворив сметка на scribd.com и таму ги закачив сите документи од извиканиот дигитален архив кој се здоби со популарност во последно време. За жал, со некои од неговите pdf-а има проблеми, па не се прикажуваат сите во e-paper-от на scribd.
Исто така закачив и еден свој документ.
(Патем, мала одјава за летово. До крајот на месецот не читам пошта. Не знам кому би му вредела оваа информација, но ете да ја има.)
петок, 08.08.2008 во 14:23 CEST бр. 346: Psi 0.12
Вчера излезе Psi 0.12.
Преводот на македонски како и секогаш е достапен со новата верзија.
четврток, 07.08.2008 во 11:49 CEST бр. 345: Читајќи го Годин
There has grown up in the minds of certain groups in this country the notion that because a man or corporation has made a profit out of the public for a number of years, the government and the courts are charged with the duty of guaranteeing such profit in the future, even in the face of changing circumstances and contrary to public interest. This strange doctrine is not supported by statute or common law. Neither individuals nor corporations have any right to come into court and ask that the clock of history be stopped, or turned back.
Од http://en.wikiquote.org/wiki/Robert_A._Heinlein (Кој е Robert Heinlein?).
четврток, 31.07.2008 во 16:44 CEST бр. 344: За Spook Country и Гибсон
Ми се чини дека Вилијам Гибсон е единствениот писател кој го следам во континуитет. До сега единствено не сум успеал да ја прочитам Virtual Light и тоа по неколку обиди. Ова главно се должи на тешкотијата што ја имам во фаќање на ритамот на неговите книги. Сите започнуваат некако растргнато на сите страни, а приказната не се насетува на почетокот. Можеби ова најдобро се гледа (хм, чита) на All Tomorrow's Parties.
Од друга страна токму и таа тешкотија ми го прави читањето поинтересно. По почетното фаќање на ритамот, шетањето низ светот што го создава Гибсон е интересно и кон тоа голем придонес има чувството дека не знаете каде точно одите и каде ќе стигнете. На крај она што го скратува доживувањето и уживањето е речиси инстантниот, дури на некој начин и театарски, расплет.
Мислам дека и Spook Country, најновата книга на Вилијам Гибсон, ги има овие карактеристики. Иако некои рецензии не ја сметаат за полнокрвен роман (има помал број на страници од неговите други книги), искуството кое таа го пружа е возбудливо.
Сместена во денешно време, на локации кои, ако ништо друго, ги знаеме од телевизија и со теми што секако се дел од секојдневната доза на вести, книгата раскажува приказна за една голема шега (prank?) и како таа го менува животот на неколкуте протагонисти.
Истовремено ги допира прашањата на новото време, како на пример, приватноста во контекст на постојаниот развој на технологиите, новите политички реалности во глобалниот свет и сѐ поголемото влијание на новите индустрии во него.
Гибсон како да сака да каже дека сѐ што е во книгата се случува и денес, но скриено е зад невидливата завеса на медиумите, соопштенијата за јавност, конференциите за печат, рекламите, кампањите...
Но, како некаков препознатлив знак во делата на Гибсон, во книгата се чувствува и препознавање на моќта што новите технологии уште денес му ја даваат на малиот човек - омилениот лик на Гибсон.
Можеби сѐ уште имаме шанса да ѕирнеме зад завесата...
сабота, 26.07.2008 во 23:12 CEST Блог запис бр. 343 и мигрирање на друга платформа?
Пред некој ден со Игор паднавме на муабет за DotClear - потенцијално најдобриот софтвер за блог и сл., само што е на француски... :)
Така решив да проверам до кај е развојот на ова стинат и изненадувачки последниот rc кандидат за верзијата 2 има можност за увоз од rss/atom.
Увозот беше успешен во ситуација кога има само еден запис кој доаѓа на atom-от од ова место, но кога го поместувам на сите 342 ми вика дека нема содржина за увоз.
За малку. :)
сабота, 26.07.2008 во 12:47 CEST спика - хрватско-веб2.0 место и идеја за негова употреба
Не видов никој до сега во македонскиот блогосвет да пише нешто за спика.
За оние кои се прашуваат како може да се користи, еве една идеја:
Коментирање на блогови кои немаат можност за коментари (како овој мојов блог).
Правите тема, и си пишувате. :)
Пример: блог коментари и спика.
петок, 25.07.2008 во 15:20 CEST Уште интересни моменти од Спук Кантри на Гибсон
“A nation,” he heard himself say, “consists of its laws. A nation does not consist of its situation at a given time. If an individual’s morals are situational, that individual is without morals. If a nation’s laws are situational, that nation has no laws, and soon isn’t a nation.”
He opened his eyes and confirmed Brownthere, his partially disassembled pistol in his hand. The cleaning, lubrication, and examination of the gun’s inner workings was ritual, conducted every few nights, though as far as Milgrim knew, Brown hadn’t fired the gun since they’d been together.
“What did you say?”
“Are you really so scared of terrorists that you’ll dismantle the structures that made America what it is?”
Milgrim heard himself ask this with a sense of deep wonder. He was saying these things without consciously having thought them, or at least not in such succinct terms, and they seemed inarguable.
“The fuck—”
“If you are, you let the terrorist win. Because that is exactly, specifically, his goal, his only goal: to frighten you into surrendering the rule of law. That’s why they call him ‘terrorist.’ He uses terrifying threats to induce you to degrade your own society.”
Brown opened his mouth. Closed it.
“It’s based on the same glitch in human psychology that allows people to believe they can win the lottery.Statistically, almost nobody ever wins the lottery. Statistically, terrorist attacks almost never happen.”
Ако некој го сака PDF-то...
четврток, 24.07.2008 во 16:03 CEST Музичката индустрија преку перото на Гибсон
„Во почетокот на 1920-тите“ - рече Бигент*, „во оваа земја се уште имаше луѓе кои немаа чуено снимена музика. Не многу, но имаше. Тоа е пред помалку од 100 години. Твојата кариера како 'recording artist'“ - правејќи наводници со рацете, „беше на крајот на технолошкиот прозорец кој траеше помалку од 100 години, прозорец за чие времетраење потрошувачите на снимена музика немаа средства да го произведуваат тоа што го конзумираа. Можеа само да ги купуваат снимките, но не можеа да ги репродуцираат. The Curfew** се појави кога тој монопол на средствата за производство почна да еродира. Пред тој монопол, музичарите беа плаќани за изведба на музиката, издаваа и продаваа ноти, или имаа патрони. Поп цвездата, каква ја знаеме“ - и тука се поклони, кратко, во нејзин правец, „беше всушност артефакт произведен од премногу присутните (масовни) медиуми.“
* Бигент е магнат од рекламната индустрија кој се појавува во последните две книги на Гибсон. Во последната книга за него Гибсон има напишано и Википедиска статија.
** The Curfew е бенд од последната книга на Гибсон.
Овој исечок е еден не претерано добар превод од Spook Country на Вилијам Гибсон. :)
вторник, 22.07.2008 во 16:28 CEST Република Конфликт на интереси
Неколку дена пред да заврши рокот за тенедерот за локализација за слободен софтвер за училиштата кој го организира PEP заедно со USAID и Министерството за образование и наука на Р. Македонија, Слободен софтвер Македонија се обрати до проектот со цел да ги пренесе своите забелешки во врска со тендерот и да објасни како тоа може негативно да влијае на пошироката заедница на слободен софтвер во Р. Македонија.
Барањето за средба со претставниците на PEP беше одбиено од нивна страна бидејќи тендерската процедура била во тек и претставувало конфликт на интереси да се состануваат со потенцијален учесник на тендерот, а како таков ја препознале Слободен софтвер Македонија.
Денес, според речиси официјалните информации, дознавам дека друштвото „Генреп“ го добило тендерот. Затоа сметам дека потребно да прибелeжам дека еден од водечките луѓе на оваа компанија, Климент Симончев е истиот човек кој ја има пишувано Kонцептуалната стратегија за употреба на софтвер со отворен код во училиштата (изработена исто така во соработка со USAID и МОН), во која се наоѓаат многу програми кои тој ги препорачува за употреба во училиштата, а кои пак се исто така дел од тендерот кој го распиша PEP.
сабота, 19.07.2008 во 18:37 CEST Кога да се почне?
Годин, 2006-та: Actually, as you've probably guessed, the best time to start was last year. The second best time to start is right now..
Изгледа доцнам.
среда, 16.07.2008 во 17:11 CEST Видеото на Рејдиохед
Колку да ја запамтам адресата:
http://code.google.com/creative/radiohead/
Фала Дарко!
сабота, 12.07.2008 во 17:39 CEST Приказни од ЈСП
Вчера во автобус:
„Државна“ 22-ка. Се качувам, а зад мене се врткаат двајца тинејџери - Роми по етничка припадност. Конечно едниот го прашува шоферот дали можеле да се повозат една станица. Возачот им дозволува, коментирајќи - имате пари за цигари, ама не за автобус. Неволно ама загрижено...
Веќе на следната станица етнички Македонец - тинејџер пристапува до вратата на автобусот со истото барање. Возачот овој пат не покажува никакво разбирање. Момчето понижено останува на автобуската станица.
Кога, две станици подолу, во автобусот влегува 3 члена контрола на ЈСП. Во истиот момент си помислувам дали е можно, возачот знаејќи за контролата, да ги намести едните, а да го спаси другиот. Се вртам кон едното дете и гледам како наеднаш му се менува расположението - и тој гледа дека влегува контрола.
Едниот контролор стигнува до него. Му бара карта. Детето одговара дека нема, дека само една станица се вози. Контролорот му објаснува дека ако е таква работата тогаш треба да се пријави кај возачот. Детото одговара дека токму тоа и го направило. Возачот, по мала проверка на идентитетот, ја потврдува приказната на детето.
Во моментот пред да го пуштат да си оди, од задниот дел на автобусот се слуша: - „Оставете го ајде, празник е денес. Љубе го ослободија“. На ова, еден од контролорите кој беше Албанец, коментира нешто на албански, детето слободно истрчува од автобус.
Јас се симнувам на следната станица. Се прашувам дали приказнава ќе имаше некакво поинакво значење ако не се знаеше етничката припадност на граѓаните вклучени во неа?
четврток, 10.07.2008 во 16:42 CEST Бирајќи ги фактите...
Сакав да пишувам за тоа дека нема поента во вторник во весник да се појави текст за финалето на Вимблдон што било во недела (и плус во живо на Телма). Мислам, кој ќе го чита тоа?
Но, потоа вниманието ми отиде на веста за најмалдите светски лидери (ја има на кајмакот), што беше на некој начин пренесена во два дневни весници: Вест (вчера) и Утрински (денес).
И додека Вест го превел целиот текст од Foreign Policy, Утрински одлучиле да напишат свој коментар за младоста на македонските политичари. Она што е интересно е што во набројувањето на другите политички младичи од светот заборавиле да кажат дека во истражувањето на FP покрај политичари од Свазиленд и Того, го има Медведев, а повод за самиот текст е тоа што Обама е исто така млад кога станува збор за политиката.
Некој коментатор на сторијата навел и дека млади премиери имало во Норвешка и Шведска...
П.С. Не знам зошто не напишале колку години имаат водечките албански политичари во Македонија.
четврток, 26.06.2008 во 22:06 CEST Новиот мешап алубмот на Girl Talk...
Возбудливо издание на музичарот од Питсбург е достапно за преземање од http://illegalart.net/.
До сега посебно ја заслушав 4тата песна, но целиот албум е прилично интересен.
Препорачувам преземање на музиката. :)
За оние што не знаат Грл Ток (Girl Talk) е музичар што својата музика ја создава од семплови од други издадени песни и автори и притоа не бара (нити добива) нивна дозвола. Што ќе рече, целиот албум е и едно интересно кршење на авторските права. Баш ме интересира дали ќе има обиди да му се тргне музиката од Интернет.
вторник, 24.06.2008 во 18:10 CEST Тешката задача на медиумите
Колку интересно. Токму во моментите кога Груевски промрче против медиумите и тие се собраа да му возвратат, самите се изгореа од својата непрофесионалност во случајот со нивниот колега кој беше осомничен за убиство.
За потсетување ова се истите тие медиуми кои до пред некое време коментираа за тоа дека спектакуларните апсења кои ги прави МВР за уапсените лица се судење пред воопшто да стапнат во судница.
Би рекол - сите гомна исто смрдат.
недела, 22.06.2008 во 21:57 CEST Утрински: Берзата тоне, странците ги нема - власта немо набљудува
А што да прави власта?
(Врска)
вторник, 17.06.2008 во 19:22 CEST Firefox3 се чини излезе...
Претпоставка базирана на тоа дека http://www.mozilla.com и http://www.spreadfirefox.com се паднати. :)
понеделник, 16.06.2008 во 19:28 CEST Firefox 3 излегува и еве нешто околу тоа...
Секогаш е добро кога ќе се заокружи некоја работа, па така и со оваа верзија на преводод не Firefox на македонски.
Мило ми е што успеваме во континуитет да го одржиме преводот, и тоа, барем според мене, на прилично добро ниво.
И сега мала забава:
http://mozilla.blog.com.mk/node/164370
http://spodeliznaenje.blogspot.com/2008/06/firefox-3-18062008-20.html
http://spodelikino.blog.com.mk/node/164373
http://kajmakot.softver.org.mk/zabava/Firefox_3_zabava/
http://pablisher.lugola.net/?p=124
Па да се фрлиме на ловење грешки за верзијата 3.0.1.
петок, 30.05.2008 во 15:26 CEST Унгарија потпишала договор со Мајкрософт и еве што се случило
http://www.youtube.com/watch?v=wUZNw7h96WU - Балмер гаѓан со јајца
http://nagyorgy.uw.hu/ - која е математиката?
Ме потсети ова на Македонија некако, па да го прибележам.
среда, 21.05.2008 во 23:44 CEST Јуху... ManUtd освои Лига на шампиони
Прво бев на СподелиКино, па нешто муабет по тоа, па само ѕирнав дека е 1:1 во Клуб на новинари, па стигнав дома за пенали, ама не ги гледав.
Сепак, ќе ја прославам победата. Поздрав Теофилe!
понеделник, 19.05.2008 во 16:56 CEST Текст за terminologija.org.mk и сл. во Gnuzilla
Во најновиот број на Gnuzilla има едно текстче за http://terminologija.org.mk што го пишував.
Не е којзнае што, ама пак да се пофалам. :)
четврток, 15.05.2008 во 18:42 CEST Избори '08 #4
Можам да продолжам таму каде што застанав: Морони!
За малку ќе погинев враќајќи се назад од Охрид, на местото викако Лаиница (удолницата пред Гостивар). Во делот каде што патот е само 2 ленти, забрзана колона со полициска придружба (претпоставувам тоа дека значи дека владеачките партии беа во колите), возеше на средина на патот. Не знам каде брзаа толку во 5 - 6 попладне, ама знам дека имав среќа што човекот што возеше беше присебен.
вторник, 13.05.2008 во 18:53 CEST Избори '08 #3
Само што видов некои од огласите на опозицијата со кои таа сака да ги убеди гласачите да гласаат против владеачките партии. Отприлика вака:
1. За шест месеци од изборите ќе сме добиеле датум за преговори за ЕУ
2. Странските инвестиции кај нас биле најниски од регионот.
Сериозно не сфаќам што е тоа што може да се направи во рок од шест месеци (која е таа брза и ефикасна реформа) што ќе не изнесе на толку посакуваниот пат за кратко време. Уште повеќе не сфаќам, зошто, ако таа реформа постои и ја знаат, до сега не е спроведена.
Така ми личи има барем 2 толкувања за ова: нема таква реформа, веќе се направени доволно реформи од сите претходни влади што реално е да се очекува датум до 2009.
Втората точка ми е уште поинтересна. За оние со кратко сеќавање, Македонија има најниски инвестиции во регионот со години наназад, период во кој двете најголеми партии неколку пати се сменија на власт. Очигледно, ако некоја земја толку очајно потфрлува во економските перфорамнси не може да очекува прием во економски моќната ЕУ, освен ако критериумите или мотивите се некои други?
Јасно, не можеме во рок од 6 месеци да стигнеме до најмногу инвестиции во регионот, па ако веќе влегуваме во ЕУ за исто толку време, тоа ќе биде некаква политичка одлука. Значи, на избори треба повеќе да веруваме дека политичко-гзолижачката моќ на СДСМ е поголема од онаа на ДПМНЕ.
Мислам дека опозицијата не можела да смисли победна кампања. За жал или за среќа, противници им се партии што мислат дека со кампања за трето дете ќе ги убедат гласачите во тоа дека тие се тие кои ќе обезбедат подобра иднина.
Ми се чини дека најпоразителниот факт е тоа што една конзервативна партија (како што се прокламираат) има толку голема поддршка кај младата (би требло прогресивна) популација. Згодно за слободен цитат од Черчил (или некој друг): да не си либерален кога имаш 25 значи да немаш срце, да не си конзервативен кога ќе имаш 35 значи да немаш мозок.
Клик по клик, го читам Коља во денешниот Утрински (а и го видов во тој еден неделник) и Коља (како ехо од повеќе страни од Македонија), сугерира дека Македонија оди во курац, дека е пред бездна, дека е опасно по ѓаволите опасно.
Ако е така, ако е навистина така, тогаш 2 работи мора да се знаат: едно општество и една држава не се доведуваат до раб на бездна за 2 години колку што е на власт последната влада. Потребна е долотрајна и макотрпна работа за еден таков општ заеб, и тогаш одговорноста е кај сите волови што некогаш биле на државни и сл. јасли. Тоа што среќата или несреќата направила ДПМНЕ да биде еден од последните возачи на возот кој оди во провалија, не ги амнестира другите актери и не ги прави подобра опција на изборите.
Ако Македонија навистина оди во бездна, така забрзано и забревтано, подгреана со национализам и кич, тогаш смената на власта само може малку да го успори процесот, но не верувам дека може и да го сопре или врати назад. Општествените промени кои имаат толку голем обем и опфат не се случуваат преку ноќ (освен можеби револуциите). Почвата се подготвувала со години наназад и сега што сме си сееле, тоа ќе си жнееме.
Ако е бездната тука пред нас, ако сѐ навистина оди по ѓаволите, тогаш подобро е да отиде таму, да стигнеме до тој крај, и оттаму да видиме што понатаму.
Лична забелешка: Мислам дека СДСМ се морнони. Исто така мислам дека ДПМНЕ се морони. Oh well... уште едно поништено гласачко ливче.
сабота, 10.05.2008 во 09:39 CEST Разгледници од барата
Денес, на Glocal, уште една презентација е откажана поради тоа што предавачот не успеал да добие виза за Македонија. Ова е трето откажување на конференцијата, второ поради виза (уште едно поради „бирократски причини“).
Ако нешто ме нервира е кога нашите кретени малтретираат странци за визи, а истовремено бараат од европските кретени да не ги малтретираат граѓаните на Македонија.
петок, 09.05.2008 во 15:30 CEST Опуштено пред последниот ден од Glocal
Ете и тоа бидна. Презентацијата што требаше да ја направам за Glocal заврши и според коментарите од публиката, замислете, добра била. :)
Презентацијата е достапна за преземање во презентации, а целиот текст е достапен во текстови.
четврток, 08.05.2008 во 10:03 CEST Мојата фотографија на en.wikipedia
Слушајќи го Робин Хаман од БиБиСи на Gloca2.0, го посетив и неговиот блог и видов дека го ставил Скопје со врска до Википедија на англиски.
http://en.wikipedia.org/wiki/Skopje
И таму, мојата фотографија од Скопје, сликана од видиковецот на Водно, лани за време на МОТ.
Кул. :)
вторник, 06.05.2008 во 21:44 CEST Што има деновиве?
Вчера и утре одржувам(е) предавања за студентите од политички науки. Ова веќе прерасна во традиција. 6 години, 9 предавања за слободен софтвер и слично за правници, политиколози и новинари.
Marcell Mars вечерва пристига во Скопје. ;-)
Утре блогоконфзбир во Точка.
Денес бев во Орхид... многу, многу студено.
недела, 04.05.2008 во 23:05 CEST Што да правите ако сте во Свети Николе на неколку часа?
Денес, поради сплет на околности, завршивме во Свети Николе и покрај тоа што тоа не ни беше првичниот план.
Гратчето е супер и мислам дека сите беа пријатно изненадени од неговиот изглед.
Па ако сте таму на поминување или подолго одете на добра скара во „Пуже“,
но бидете подготвени на невообичаен розов ентериер. :)
А потоа, пријатна прошетка низ паркот полн споменици и цвеќиња.
сабота, 03.05.2008 во 18:41 CEST Избори '08 #2
Се вратив дома после СподелиЗнаење и земав да го разлистам весникот. Гледам, ФИООМ дистрибуирале некое книже, како записник, од трибината што ја организирале за Македонија пред и по Букурешт 2008. Сѐ познати имиња зборувале таму. да не ги набројувам сега.
Го листам тоа и ми текнува на еден текст од Лоренс Лесиг што го читав летоска. Како што сите добро знаат, Лери престана да се занимава активно со CreativeCommons и веќе започна нов проект што се вика Change Congress. И во текстов, тој објаснува зошто си оди, што го натерало да го промени фокусот на неговите активности. Вели тројца луѓе се заслужни барем за инспирацијата за тој чекор. Еден од нив е Барак Обама - демократот кој се бори за претседателска номинација. Да не преведувам:
Six months ago, I was reading Obama's (really excellent) latest book. In the beginning of the book, he describes his decision to run for the United States Senate. At that point, Obama had been in politics for about 10 years. Ten years, he reflected, was enough. It was either "up or out" for him. He gambled on the the "up." We'll see how far he gets.
Ми текна на ова додека го листав тоа книжето. Го листав и се сепнав. Ги гледам имињата и сфаќам дека кај нас нема „up or out“. Речиси сите политичари и други јавни лица, и по 10 и по 20 и по 50 години, си се на старите добри (платени) позиции.
Така се повеќе ми се чини дека е време за „Промени ја државата“. Не, не заговарам реформи како Лери во САД. Едноставно мислам да си ја сменам државата и место оваа да одам во друга.
сабота, 03.05.2008 во 14:08 CEST Се бара 1 (еден) филмски продуцент
Пред некое време започнавме со правење на филм на тема авторски права во Македонија.
Сега доаѓа време треба плановите да се спроведат во дело и на потфатот му недостасува човек што ќе ги спои сите работи заедно (стручно тоа се викало продуцент :)).
Се сомневам дека некој ќе изреагира на записов, ама ете да напишам, некој случајно да не сака да се пријави за оваа работа.
:)
четврток, 01.05.2008 во 16:42 CEST Излезе новата „Нова Македонија“
И, внатре текст за копирајт и копилефт (мртва врска), од Искра Гешоска.
петок, 18.04.2008 во 20:05 CEST И музиката на Моби на Интернет
Моби е последниот музичар (од оние попознатите де) кој се обидува да направи нешто со својата музика и Интернетот.
http://mobygratis.com/film-music.html
среда, 16.04.2008 во 08:13 CEST Би било кул да се проба на СЗ
Домашна ламба од cd-а:
http://lifehacker.com/348759/build-your-own-cd-stack-lamp
http://www.flickr.com/photos/iamthechad/tags/cdlamp/
http://www.tcnj.edu/~jones37/cd.html
Само не знам што е тоа „cold cathode lamp“ и дали се продава некаде локално.
понеделник, 14.04.2008 во 17:18 CEST Јавна дискусија за македонскиот јазик и информатичката комуникација
Изминативе години сум присуствувал на многу настани на кои сум ја претставувал идејата за слободен софтвер и организацијата Слободен софтвер Македонија, но ми се чини дека не сум присуствувал на посрамен настан од оваа расправа денес за македонскиот јазик и информатичката комуникација.
Замислете, во рамките на манифестацијата 2008 - Година на македонски јазик, организирана под покровителство на претседателот на Владата на Р. Македонија, главниот говорник направи одлична презентација за локализацијата на Windows Vista и MS Office 2007 на македонски јазик. Леснотијата со која тоа се турка на ваков настан е просто зачудувачка.
Ако има некој од Microsoft (или партнер компанија или нешто трето) што го чита овој запис, немој да го сфаќате ова погрешно. Всушност сакам да Ви честитам за одличната работа. Нема друга компанија која поумешно и помудро си го брани својот интерес и си ги промовира своите активности. Навистина, секоја чест.
Она што крајно ме разочарува, и за што впрочем го пишувам ова, е фактот што сите институции во државава кои по дефиниција треба да работат за јавниот интерес не го прават тоа. Незамисливо ми е како државниот (потенцирам државниот) филолошки факултет до сега не најде за сходно да направи официјален речник за превод на софтвер што ќе биде јавно достапен, а соработувал со Microsoft за да направи ист таков исклучиво наменет за негови потреби и „заштитен со авторски права“. Незамисливо ми е како настани покриени со државни (т.е. пари на граѓаните) се користат за промовирање на приватни интереси. И конечно, незамисливо ми е лицемерието кога јавно сите институции повикуваат на соработка, а истите тие ја имаат затворено вратата на Слободен софтвер Македонија во изминативе години при сите обиди за добивање на стручна помош.
Во врска со остатокот од дискусијата, благодарност до Филип од Метаморфозис што ги пренесе поентите за слободниот софтвер пред публиката. За дискусијата имаше список, а тој беше пред мене, па мене само ми остана да кажам дека речиси сите проблеми што можат да ги замислат јазичарите, најлесно се решаваат со слободниот софтвер. Излезе дека се мачеле луѓето со фонтови, а не знаеле дека постои DejaVu.
Ех, а јас нешто сум објаснувал за слободен софтвер на мајчин јазик.
недела, 13.04.2008 во 10:19 CEST Репринт: избори '08
Кога бев мал баба ми ми раскажуваше приказни за да ме заспие. Сеуште се сеќавам на некои од прикзните, додуше во груби црти.
Една од нив е онаа за овчарот кој (не знам од кои причини) неколку пати по ред крева лажна узбуна дека волк го нападнал стадото овци. Добрите соселани неколку пати пристигнуваат да помогнат и констатираат дека момаков лаже, дека џабе трчале во ноќта до трлото, дека рогозинските ритуали им се прекинати без потреба. Така тие донесуваат колективна одлука од типот: кој го е*е овчарот. И како што обично бива (во народните приказни), следниот ден (ноќ) стадото навистина е нападнато од волк. Овчарот вика, писка, урла, бара помош тра-ла-ла... а соселаните ги нема нигде.
Кои се можните поврзаности на нашите избори со оваа приказна?
1. Овчарот се партиите. Селаните се гласачите. Овците се Р. Македонија. Партиите, секои 2, 3, 4 години, викаат да се гласа заради икс (важни) причини, и:
а) лажна узбуна е, гласачите ќе го проѕрат тоа и ќе останат да си гледаат фудбал;
б) гласачите ќе улетаат на уште една лажна узбуна;
в) волкот (кој и да е) е во трлото, ама гласачите поучени од претходните лажни узбуни одлучуваат да го игнорираат овчарот.
2. Овчарот е ЕУ, НАТО, Меѓународната заедница. Овците се граѓаните на Р. Македонија (затворени во котар). Селаните се партиите кои дотрчуваат на секој повик на овчарот, и:
а) лажна узбуна е, изборите немаат никаква врска со иднината на овците, селаните веќе го сконтале тоа;
б) лажна узбуна е, ама селаните (партиите) не го сконтале тоа;
в) волкот (кој и да е) е во трлото, ама партиите имаат попаметна работа.
3. Овчарот се граѓаните, овците во котарот се Р. Македонија. Волкот се партиите и другите елити, вакви или онакви кои мама ебаваат наоколу, селаните се меѓународната заедница и:
а) лажна узбуна е, ѓраѓаните само викаат помош ама немаат вистинска намера да си ја спасат татковината, имотот, достоинството... или што и да е тоа што им значи во трлото, селаните доаѓаат џабе;
б) лажна узбуна е, меѓународната заедница го знае тоа и не аби чевли по брбушки;
в) волкот е во трлото, меѓународната заедница (цел свет!) е во Минхен.
Ех, веројатно може да се смислат уште две-три сценарија - можеби и некое пооптимистичко: сите стејкхолдери ја знаат прикзнава и пораката која од неа треба да се извлече, пркнува работава и така натаму... но, можеби и волкот одамна го измезил ова трло, а приказната ја раскажуваат мршите и разрушените куќарки. Никој не знае што се случило со овчарот и неговите соселани.
П.С. Овие избори би биле шанса да им се удри шлаканица на забрефтаните конзервативци кои одлучија да регулираат полно работи во општеството изминативе години и да чепкаат во граѓанството. Би биле, бидејќи не гледам кој ќе им се спротистави.
П.С.2. Да нема забуна ова е репринт од Избори '06. Минхен е во оригиналниот текст, бидејќи таму беше финалето во светското во фудбал. Случајно, европското оваа година почнува на 7ми јуни. :-)
среда, 02.04.2008 во 22:35 CEST Танцува со мечките
Ми се чини дека приказната за осудената мечка е добро позната за сите. Сепак, можеби и не се знае дека пчеларот ја бркал со турбо фолк. (Врска.)
И додека цел свет се чуди како во Македонија се осудуваат мечки, екипата на СпинМонстер (меѓу кои и 3ца жители на планетава), го сработи едноминутниот филм „Танцува со мечките“ за конкурсот на овогодинешниот Скопски филмски фестивал.
Филмот ја истражува истата тема, од малку поинаква перспектива. Па погледајте и гласајте.
http://youtube.com/watch?v=yo5ydtldoqg
П.С. Се гласа со СМС на 14747 и содржина SFF 007. :)
сабота, 29.03.2008 во 10:02 CET RE: НАТО и името
среда, 26.03.2008 во 22:54 CET Естрадата однапред запознаена со исходот од преговорите за името
Денес, во утринската емисија на Фолк радио, фолк дивата Соња Тарчуловска изјави дека планира да ја препее македонската народна песна „Јас сум Македонка“. Рефренот чии стихови се врежани во свеста на сите македонци од 7 до 77 години ќе завршува со нов стих:
Дали сум пиринка, егејка, вардарка... јас сум Скопјанка.
Пејачката образложи дека ова го прави со цел да го приближи новото име на државата до граѓаните.
Веднаш по ова, линиите на радиото се вжештија. Преку илјада граѓани се јавија во радиото. Некои од нив ја поддржаа идејата, а некои со навредувачки коментари ја критикуваа и пејачката и радио станицата.
Набргу по ова, на скопското радио Канал 103 се огласи фронтменот на Прогресивната македонска група Пи-Ем-Џи. Според Мирко Попов тие веќе од поодамна знаат за новото име на државата благодарение на нивната долгорочна тесна соработка со странски ди-џеи и промотори. Затоа нивниот хит кој датира уште од 2005 година го носи името „Скопјанка“. Имено, тогаш членовите на групата сакале песната да го носи името „Македонка“, но како што рече Попов, Претседателот (Тери Френсис) му пренел на Дарко дека сепак подобро име е „Скопјанка“.
вторник, 25.03.2008 во 20:17 CET Дали ако си под CC..?
Изминативе денови делата издадени под лиценци на Creative Commons беа прилично застапена тема на Интернет во земјава. Така имаше интересна дискусија на блогот на Калина, а и Кајмакот популаризираше две вести за дела издадени под некоја од Creative Commons лиценците.
Коментарите ми фатија око. На некои места ме изнанади неинформираноста, а на некои реториката за авторски права.
1. Заштита според закон
Многумина не знаат дека Законот за авторски права им дава на авторите автоматска заштита во моментот кога е креирано делото. Постојат разлики помеѓу законодавството во САД и континентална Европа (како некои концепти од кои другите земји пресликуваат), но главното е дека делото автоматски станува заштитено според закон. Зашитено во смисла дека правата на прикажување, изведување или умножување се исклучиво на авторот, барем во физичкиот свет. Онаа реченица „Сите права задржани“ што може да се прочита на книгите или дисковите, најчесто значи дека издавачот ги задржува правата. Воглавно, авторите кои доживеале издание во традицонална смисла на зборот веќе пренеле голем дел од правата на издавачот. Ако ве интересира кои сѐ права ги има авторот можете да го земе македонскиот закон, кој патем е во духот на континенталното право.
2. Како Интернетот ги менува работите
Реалноста и тековната пракса секогаш значително се менува со појавата на нови технологии. Во многу презентации и Ричард Сталман и Лоренс Лесиг го објаснуваат ова (темата исто така ја покриваат и филмови како Steal This Film). Она што главно најлесно може да се забележи кога станува збор за Интернетот и компјутерите е дека копирањето (едно од законски загарантираните права) се случува автоматски, дури и без да сака корисникот.
Ако сурфате на Интернет и ако имаат вообичаено поставен прелистувач тогаш речиси сигурно веќе имате копија од овој текст (се наоѓа во кешот на прелистувачот, можете да го гледате и кога ќе одберете Work offline (Работи локално во македонскиот Firefox)) без разлика што законот ми вели мене како автор дека јас одлучувам кој и како ќе го копира моето дело.
Ова е тривијален пример во однос на другите начини на копирање на музика, филмови или текстови на Интернет (Peer2peer, bittorrent итн.). Сепак примерот е доволно добар за да се забележи огромното поместување кое технологијата што станува секојдневие го носи.
Она што е клучно е тоа дека авторското право во Интернет ерата, е сѐ помалку корисен модел за било каков бизнис .
3. Заштита или ослободување со CC?
Затоа чудно е, ако не и смешно, кога луѓето мислат дека со помош на некоја од Creative Commons лиценците ќе го заштитат своето скапоцено дело на Интернет. Ако делото не може да го заштит RIAA со својот All Rights Reserved, тогаш како тоа ќе го стори Some Rights Reserved на CC?
Точно е дека CC успева да реши некои проблеми и да промовира поширок избор во објавувањето. Но, лиценците главно се применливи во земји каде правниот поредок функционира (САД е добар пример). CC или не, тешко дека македонските судови ќе направат нешто корисно во врска со правата на авторите (патем, не сум ни со мислење дека треба да се прави нешто посебно). Така што сите што мислат дека ќе добијат некој вид на заштита... се зезнале.
Во Македонија Creative Commons може да биде трендовски белег на блоговите и некои други дела или до некаде добар беџ за правење на некаква политичка изјава. Иако, за последново далеку покорисни се некои други иницијативи, како на пример дефиницијата за слободни дела од областа културата.
сабота, 22.03.2008 во 19:15 CET Лепенки за слободен софтвер
Одлично!
сабота, 22.03.2008 во 08:39 CET Уште едни британци го објавиле својот албум на Интернет
По се изгледа малку стара вест, ама не видов никој да ја пренесе, па еве:
Tim Burgess revealed "We always knew this album was gonna be given away for free, even before we started writing so we wanted to make it the best album we've ever made. This isn't a case of left over tracks and b-sides, we wanted to give our fans a quality record."
http://www.xfm.co.uk/news/2008/download-charlatans-new-album-for-free
сабота, 15.03.2008 во 23:14 CET Блог за Скопје
Пред многу време на Фликр групата за Скопје зборувавме за блог за Скопје по примерот на http://www.metblogs.com/. Од тоа не излезе ништо посебно освен што пред неколку месеци регистрирав блог на блогспот за таа цел.
И до сега си седеше тоа така, а денес некако најдов доволна причина да почнам да пишувам таму. Па ете го: http://gradotskopje.blogspot.com/
сабота, 08.03.2008 во 20:10 CET Lovink за p2p
Also politically there is a interesting range of people involved in P2P, from the post-modern poor, driven by a lack of cash to techno-anarchists to capitalist pro-market libertarians. In that sense P2P is deeply human. It's like sex. There is so many ways of doing it, and the reasons and intensions are so different, each time, even within one person.
Целото: врска.
понеделник, 03.03.2008 во 23:52 CET Уште еден бенд оди CC
Овој пат тоа е Nine inch nails. Никогаш не сум ги слушал додуше, ама веста вреди да се проследи.
среда, 20.02.2008 во 18:49 CET Предлози за името
Скијачката екипа одмара во својата куќарка на Јахорина, и во екот на државните консултации за името, еве некои предлози:
Идно клингонско царство Македонија
Супер Македонија
Оаза на мирот
Република Банана
Потенцијална империја Македонија
Македонија101
М4к3д0ни14
Наша земја
Република Нема правда
Демократска Дембелија
Државата порано позната како поранешна југословенска република Македонија
...итн.
понеделник, 18.02.2008 во 19:59 CET Разгледница од Јахорина
сабота, 09.02.2008 во 11:12 CET Оглас: Музички инструменти
Веќе подолго време не свирам активно. Имам две електрични гитари и две појачала кои 99% од времето ми фаќаат прашина дома.
Еве дел од нив:
Ако има млади бендови на кои им треба опрема, ги давам сите заедно за 300 евра. Може и да се пазариме парче по парче, ама тоа ќе биде и некако посложено.
сабота, 09.02.2008 во 08:22 CET Утринава на РТС
Додека читам rss во позадина брчи телевизорот на РТС пуштен. Има некоја репортажа за некој српск-босанко-француски бенд. Концерт во Франција ми се чини.
И новинарката шета низ публика и наоѓа две пријателки: една србинка и една французинка. Новинарката нешто ја прашува србинката, си зборат и на крај ја прашува дали може пријателкава да испее некој стих од српска песна. Овие нешто проговоруваат на француски и запева французинкава:
Море сокол пие, вода на Вардарот...
П: Што правам денес по Интернет од ниедно време?
О: Требаше да одам на скијање. :)
сабота, 09.02.2008 во 08:03 CET Дали блоговите се ѓубре или општеството е ѓубре
Уште во средно ме научија дека кога ќе ти кажат бројки, проценти и сл. нема многу кај да мрдаш. Бројките кажуваат се и тоа е тоа, но бројките мора да бидат точни.
Сега цитирам од Комуникации.нет:
70-80 % од Блоговите СЕ ѓубре. 50 % од Блоговите СЕ расистичко ѓубре. На блоговите 90 % од коментарите СЕ непотпишани. Што покажува дека ако на прачовек му дадеш компјутер тој НЕМА да стане дигитален граѓанин. Тој ќе остане прачовек со компјутер. И може цела македонска блогосфера да вреска дека тоа не е така. Овие факти не можат да се изменат.
Дали овие бројки се точни? Баш би сакал да го видам истражувањето што го покажува горното и што притоа дефинира што е тоа „ѓубре“. Ми се чини премногу возбуда има за една вака паушална изјава.
Но, што ако бројкиве се точни? Иако недостасуваат дополнителни одредници (во смисла која е популацијата која блогира, години, образование, струка), сепак блоговите се слика на општеството. Дали 50% од општеството во кое живееме е расистичко? Дали 50% од младината е таква (ако најмногу блогери се млади луѓе)? Или можеби блогерите се паметни и успешни, а блогосферата ја користат за зафрканции и сеир, а некој таму нема смисла за хумор?
среда, 06.02.2008 во 21:58 CET Флешбек - Вилијам Гибсон
Како СМС пораките го менуваат светот
(Напишано во 2002 г.)
недела, 03.02.2008 во 11:12 CET Некои мисли за црквата на плоштадот
(Лична забелешка: Јас сум против градењето на црква на плоштадот и трошење на пари од даноци за црковни/религиозни цели. Сметам дека црквата е еден од главните генератори на поларизацијата на нашето општество и сум pro-brain-drain ако Македонија продолжи да се движи кон средниот век.)
Во моментот кога почнувам да го пишувам ова петицијата на Интернет против градењето на црква на плоштадот во Скопје има 1976 потписи: врска.
Пред некое време слична акција имаше во Загреб: врска. Па првото прашање што ми падна на памет е дали овие луѓе ќе го дадат својот потпис и на хартија доколку иницијативата од Интернет се пресели на улиците (и плоштадот) на Скопје?
Значи треба да видиме дали со градењето на црква со пари од даноци се нарушува некако нашето „право на град“ и дали сето ова има некакви пошироки импликации.
Првото прашање е дали владата треба да дава пари за градење на црквата, а одговорот би требало да е не. Ова вееќе е добро образложено на други места. Сепак, ми се чини дека ако денес има референдум во Скопје или општина Центар за тоа дали треба да се гради црквата со пари од буџетот, ќе победи опцијата „за црквата“. Мислам дека црквата добро си ја врши својата работа во однос на привлекување верници, а соработката со другите конзервативни центри во Македонија дополнително придонесува за нивниот успех. Тажно е што поголемиот дел од поддршката за овие доаѓа од младите граѓани на Македонија, но како и се друго и ова е наопаку во земјава. Толку од изненадувањето.
Второто е поврзано со односот влада-град-општина и дуп, маркичка и сл. Спорниот момент на локацијата на објектот, мислењата на експертите за урбаниазам, архитектите и другите релевантни лица скоро и да не одекнува во јавноста. А и зошто би, кога најголем дел од тие луѓе некогаш биле во некоја општина, влада, комисија и таму пренамениле маркичка и некој Петко и Станко наличиле потоа зграда. Урбана мафија и сето тоа. Па ако може секој со малку повеќе пари да си среди услови за градење на најневеројатните места низ градов, зошто да не може Владата да направи црква (и џамија) на плоштадот (и карши него)? Баш се надевам дека некој од експертите ќе даде одговор на ова прашање.
Ова е точката каде што се гледа дека нашето „право на град“ одамна е нарушено. Секаде се гради без план, новите згради често се вселени а уште немаат фасада, се уриваат и окупираат тротоари и други заеднички површини, се паркира кој каде ќе стигне... итн. Како уште една градба, макар била на плоштадот - до и така спорниот „Лумикс“, ќе смени нешто во целата слика?
Ми се чини дека дебатата за црквата на плоштат набрзо ќе биде стеснета, дури и можеби ќе исчезне од јавноста. Малку има за дискусија кога Македонија веќе подолго време само на хартија е секуларна држава.
Интересно во Загреб, зад барањето на „правото на град“ застанале некои невладини организации. Не можам да видам кои би биле тие што во Скопје би го направиле истото.
Мислам дека на плоштадот на Скопје нема да има потпишување на петиција и протести, туку осветување на црква.
Освен ако Фуере не ни каже дека таа ќе биде пречка за ЕУ.
петок, 01.02.2008 во 16:26 CET За малку немам среќа
Со е-Влада значи никако да ми тргне.
петок, 01.02.2008 во 15:39 CET Блогерите читале книги
Оваа нишка завршува овде. Немам кому да ја пренасочам. Сите кои би можел да ги ping-ам веќе добиле покани.
Како и да е речениците:
Ја слушна, така, бабата својата кадреста внучка, па и самата се расплакува врз тажната судбина на Дабиќ, го зема бастунот в раце па тргнува кај некоја друга баба да и раскажува за тврдото срце на префектот. Од кај оваа приказната отиде кај трета и - се запали целиот Бихаќ, како да го бомбардира Хасан паша Предоевиќ.
А и во самиот наш конвикт, бавно и незабележливо, почна да расте скриеното незадоволство.
Магарешки години - Бранко Ќопиќ. (Лектира за VI одделение.)
среда, 30.01.2008 во 15:41 CET Бу-ху пиратеријата е страшна
Демек, пиратските дискови помагале за организиран криминал, трговија со луѓе и дрога (и најверојатно тероризам?)...
За среќа, сега постојат p2p мрежи, па повеќе не мора да се купуваат дискови.
Коментар од GoodBytes: „Штета, требаше Microsoft да ја плати кампањата“.
петок, 25.01.2008 во 19:30 CET Добро е да се биде србин деновиве
Русија дава гас, а ЕУ укинува визи.
Башка, Ѓоковиќ го среди Федерер во Мелбурн, а и во женска конкуренција добро им оди.
петок, 25.01.2008 во 17:43 CET Штета што немам сметка на Hotmail
Hotmail doesn't work with Firefox 2.0: Microsoft answers to Linux users "Switch to Outlook Express"
вторник, 22.01.2008 во 19:53 CET Песната стопан нема(?)
Македонија само што воведе построги законски казни за „пиратерија“. Измените на кривичниот законик се во Службен весник на Р. Македонија бр. 7 од 15.01.2008 година.
Истовремено шведските парламентарци јавно се залагаат за декриминилизирање на споделувањето на датотеки (file-sharing): врска, а на ниво на ЕУ зелените партии исто така имаат своја кампања: врска.
Сигурно ли одиме накај ЕУ?
П.С. http://wiki.lugola.net/Пиратска_партија
вторник, 22.01.2008 во 17:53 CET Кино и радио утре (23.01.2008)
Сподели кино (конечно во новата година!) продолжува утре со презентации од 24c3.
Исто така, на покана на Василка, утре од 21 часот одам на радио Равел на емисија која ќе биде посветана на блоговите и блогерите. Бидејќи не се сметам за блогер, ќе ја искористам приликата да кажам некој збор за слободен софтвер, слободна култура, сподели знаење и сл.
Не знам дали ќе стигнам и на киното. Најавата ми личи како прилично интересна.
четврток, 17.01.2008 во 00:18 CET За кабелските и некабелските телевизии
Goodbytes блогирал за развојот на настани во телевизискиот свет, па ми текна на приказната од Слободна култура на Лоренс Лесиг. Да не преведувам:
Cable TV
Cable TV was also born of a kind of piracy. When cable entrepreneurs first started wiring communities with cable television in 1948, most refused to pay broadcasters for the content that they echoed to their customers. Even when the cable companies started selling access to television broadcasts, they refused to pay for what they sold. Cable companies were thus Napsterizing broadcasters' content, but more egregiously than anything Napster ever did--Napster never charged for the content it enabled others to give away. Broadcasters and copyright owners were quick to attack this theft. Rosel Hyde, chairman of the FCC, viewed the practice as a kind of "unfair and potentially destructive competition." There may have been a "public interest" in spreading the reach of cable TV, but as Douglas Anello, general counsel to the National Association of Broadcasters, asked Senator Quentin Burdick during testimony, "Does public interest dictate that you use somebody else's property?" As another broadcaster put it, "The extraordinary thing about the CATV business is that it is the only business I know of where the product that is being sold is not paid for." Again, the demand of the copyright holders seemed reasonable enough: "All we are asking for is a very simple thing, that people who now take our property for nothing pay for it. We are trying to stop piracy and I don't think there is any lesser word to describe it. I think there are harsher words which would fit it." These were "free-ride," Screen Actor's Guild president Charlton Heston said, who were "depriving actors of compensation." But again, there was another side to the debate. As Assistant Attorney General Edwin Zimmerman put it, "Our point here is that unlike the problem of whether you have any copyright protection at all, the problem here is whether copyright holders who are already compensated, who already have a monopoly, should be permitted to extend that monopoly.... The question here is how much compensation they should have and how far back they should carry their right to compensation." Copyright owners took the cable companies to court. Twice the Supreme Court held that the cable companies owed the copyright owners nothing. It took Congress almost thirty years before it resolved the question of whether cable companies had to pay for the content they "pirated." In the end, Congress resolved this question in the same way that it resolved the question about record players and player pianos. Yes, cable companies would have to pay for the content that they broadcast; but the price they would have to pay was not set by the copyright owner. The price was set by law, so that the broadcasters couldn't exercise veto power over the emerging technologies of cable. Cable companies thus built their empire in part upon a "piracy" of the value created by broadcasters' content.
Додека нашите смислат нешто паметно (ух, сега ли сме како САД во 1948?), уште CableTel останува да ги скине А1 и компанија и да пушти преводи на странските канали.
сабота, 12.01.2008 во 01:09 CET Блогерска занимација
http://kino-teka.blogspot.com/
Ми се виде корисно. :-)
вторник, 01.01.2008 во 18:41 CET Назад во Скопје, но исто како да не
Фотографии на Фликр.
Среќна нова 2008. :-)
сабота, 29.12.2007 во 00:17 CET Новогодишна честитка до нашиот министер
Ги знаете сите оние приказни како соседните држави ја престигнуваат Македонија на патот кон ЕУ, НАТО, иднината, развојот, економскиот раст и сл.?
Еве уште една таква потенцијална приказна. На српските блогови се збореше неколку дена, а еве сега и објава од нивното министерство: Србија оди на слободен софтвер.
Останува да видиме дали ова ќе се исплони. Некои сметаат дека е предизборен трик. Лично мислам дека покрај Косово, сите други предизборни зезанции во Србија се лук и вода.
Дали Македонија, која во очите на меѓународната заедница на слободен софтвер важи за една од повозбудливите приказни, ќе заостане повторно и по кој знае кој пат зад своите соседи?
Одговорот ќе го чекаме во новата година.
И толку од мене во оваа 2007.
четврток, 27.12.2007 во 19:17 CET Економијата и предизвиците на новото време
Земено во просек имав лошо искуство на Економскиот факултет во Скопје каде ги завршив моите студии пред неколку години. Па не сакам да го правам тестов (мртва врска) за да не одговарам со пристрасност.
Но, можеби блогов има некои случајни читатели кои сега студираат, па еве шанса да стават некои од работите кои ги учат во малку поширок контекст. Ако некој го направи тестот (врска погоре), може да ми пише на е-пошта.
Инаку, тестот е од (популарниот, но не-мејнстрим) adbusters магазин. Таму баш пред неколку миниту прочитав еден интересен текст (во два дела): (мртва врска).
Сега продолжувам да копам по архивите.
четврток, 27.12.2007 во 18:07 CET Facebook
http://www.youtube.com/watch?v=OwnTWZ1-UWY
Параноја или не?
вторник, 25.12.2007 во 17:50 CET Празници се, лудуваме!
Овој пат, во медиумскиот избор ве водам до две статии од Утрински весник од 25.12.2007 г. (една, друга).
Првата е од насловната страница и продолжува на стр. 7, а втората е угодно сместена на стр. 4.
Првата е за тоа дека Стопанската комора понудила награда, ако Владата го исполни ветеното. Новинарот вели:
Не дознавме дали предлогот го смета за непристоен, бидејќи практично Владата ќе треба да се награди самата себеси за нешто што и' е работа, или, пак, во духот на новиот пристап дека „молчењето значи прифаќање“, што ќе се практикува во новите законски прописи всушност, значи одобрување на предлогот.
Обратете внимание на првиот дел: нешто што е работа на Владата. Што е тоа нешто? Тоа е: раст на БДП од 6,5 отсто, инфлација 2,5-3 отсто, зголемување на вработеноста за 4 отсто, пораст на продуктивноста за 4-5 отсто и странски инвестиции од над 400 милиони долари.
Мислам дека човек не треба да биде голем стручњак за да увиди дека малку е глупаво Владата да се обврзува на вакви работи (иако ова го правеле сите наши Влади). Од горните точки, инфлацијата веројатно е единсвената валидна и можеби придонес кон странските инвестиции, но сето друго е нешто што би требало да се очекува од приватниот сектор во еден капиталистички систем. Зар владата ќе зголеми раст на БДП преку зголемена работа на администрацијата? Или пак вработеноста ќе порасне со отварање на уште неколку државни агенции и министерства?
Иако е сето ова малку чудно, очигледно е дека бизнис заедницата е ОК со тоа - и повеќе од ОК, спремна е да даде награда (која сама по себе е друга приказна) Но, што има во следната статија? Па таму бизнис заедницата се жали од зголемената државна интервенција во економијата, набројувајќи случаи како откуп на грозје или маржа на лекови. Па што ќе каже бизнис заедницата, ако треба да плаќа зголемени даноци за да има пари за плати за уште 4% невработени кои би завршиле во државна служба?
Можеби само мене ми е чудно, но овие работи ми се чинат контрадикторни. Кој ли само лудува? Дали новинарите, дали Владата, дали бизнисмените?
П.С. Огласот од пред еден ден уште важи. :-)
понеделник, 24.12.2007 во 18:20 CET Новогодишна набавка
Правев некои нарачки од САД, меѓу другото и еден блузон од тинкгик, ама нешто настана утка со броевите.
Пошто би било гњаважа да го враќам назад, вака да пробам да најдам локален купец.
Еве го: врска.
Тоа што е листан во ladies нема врска, обичен блузон е во прашање. :-)
Големината е XXL. Голем бајаги е значи. :-)
Блузонот е оддиплен само за да го пробам и дефинитивно си потврдам дека е преголем.
Цената беше $40 + данок и поштенски трошоци. Сега нека биде само $40.
Ако има некој заинтересиран адресата за е-пошта ми е тука.
среда, 19.12.2007 во 15:17 CET Да беше Тито жив...
...парите ќе беа вакви. Или не?
сабота, 15.12.2007 во 14:21 CET Хакирање на градоначалникот
Зошто да не?
сабота, 15.12.2007 во 11:42 CET Секое чудо за три месеца
Сите блогираат за тоа што Редиохед сами си го објавија последниот албум на Интернет.
Никој не блогира за тоа дека се премислиле.
(А баш сакав да пишувам дека снег заврна во градов.)
среда, 12.12.2007 во 16:40 CET Who can you trust?
Денес ме израдува сметка за струја со проследен материјал од ЕСМ-ЕВН дека нешто ќе се заебе со струјата ако пројде новиот закон на Владата. Визуелно изразување:
На левата страна, ЕСМ-ЕВН, профитна компанија, која нормално се грижи за својот профит. Оттука, нејзините мотиви се транспарентни. Иако не може да се верува во тоа дека „ќе направат се во нивната моќ за да не заштитат нас“, јасно е дека сакаат да си обезбедат што е можно поголема побарувачка,