дамјан / забелешки

Firefox 3.5 излезе и тоа на 70-тина светски јазици, но не и на македонски.

Во последен момент се случила некоја збрка со македонскиот build што го оневозможува системот за автоматска надоградба, и мораше да биде повлечен. Јас проблемот го приметив веќе во RC1 и ја поправив грешката, но во последните моменти по грешка таа поправка била одфрлена за конечниот build.

Останува да видиме дали ќе се појави 3.5 покасно, или пак ќе се чека на 3.5.1.

Се си мислам дека сите оние силни патриоти кои потпишуваат разно-разни молби по интернет, да одделеа малку време да тестираат и пријавуваат грешки, порано ќе го увидевме проблемот и ќе ја намалевме можноста за грешка... но тоа е реалноста, show must go on.

Од друга страна, тимот за локализација на Firefox се намали за 50% (по бројност, а 90% по преведувачки труд), нешто заинтересирани да ја продолжат работата не сретнав, па можеби show may not go on anyway.

ps. неофицијална информација е дека Firefox на македонски го користат околу 35000 луѓе, од кои 30000-тина 3.0.11.

[permalink]

Lawful intercept (во Македонија отприлика преведено како легално прислушување) е законска обврска за секој телекомуникациски оператор. Тука спаѓаат интернет провајдерите (кабловски, безжични, жичани, сите) и телефонските (и мобилните) оператори.

Законот ги обврзува операторите да му обезбедат на МВР да може во било кој момент да ја прислушува целата комуникација која ја прави некој корисник. Тоа значи дека во еден момент МВР одлучува да следи некој човек, и од тогаш копија на сите податоци, сите четувања, отварања на web страни, разговори, пристапи до facebook, google, youtube, porntube и сл. во реално време додека се случуваат, ќе бидат пратени (и најверојатно складирани) некаде во полиција. Притоа прислушувањето ќе се одвива без знаење на корисникот (нормално), но нити знаење и контрола на операторот. За таа цел МВР инсталира специјална опрема кај операторот која му дава целосна слобода да прави што сака.

Законот утврдува дека оваа мерка смее да се користи само за најтешките облици на криминал како тероризам, педофилија, организиран криминал и сл. Но...

Тоа што мене ме интересира е врз кого во Македонија овој закон ќе има најголем ефект:

• Прво е прашањето дали прислушувањето ќе помогне во борбата против тешкиот криминал - а логиката ми кажува дека оваа мерка воопшто нема да помогне против организираниот криминал или тероризмот.
  
  Сите посериозни криминалци или терористи веќе одамна користат технологии за прикривање на нивните податоци и комуникации. Не дека овие технологии се нешто специјални. Неколку тривијални примери се Cloud/OpenVPN, SSL/TLS, PGP/GPG и Tor, кои доаѓаат инсталирани во било која Linux дистрибуција - а кои овозможуваат скоро 100%-на тајност на податоците и огромна анонимност на комуникациите. Овие технологии се толку лесни за користење што било кој аматер за компјутерска безбедност ќе успее точно да ги имплементира за кратко време и ќе го поништи обидот на МВР за следење на комуникациите.
  
  Секако, пософистицираните (и поопасни) криминални организации имаат вистински професионалци кои најверојатно подобро знаат што се случува во МВР него самите МВР.

• Од друга страна, во Македонија веќе е докажана пракса прислушувањето да се злоупотребува токму од овластените лица. Воопшто не сум убеден дека оваа нова можност за прислушување ќе остане имуна на злоупотреба, што значи во наредниот период скоро сигурно е дека ќе има прислушување на новинари, политички противници, невладини организации, своите од партијата - кои воопшто не се поврзани со тежок криминал.
  
  Не знам дали е потребно да ја потенцирам моќта на податоците за застрашување, уценување или контролирање на луѓето... Посебно личните податоци... личните податоци кои луѓето често нај-наивно ги праќаат преку интернет до своите најблиски.
  
  Но дури и кога МВР и државата би биле со најдобри намери, со најригидни процедури, со вистинска цивилна контрола врз работата на полицијата (yeah right)... еднаш кога технологијата ќе биде инсталирана постојат големи шанси таа да биде злоупотребена и од трети лица, криминалци, терористи и сл. Како што реков, технологијата операторот не ја контролира, ниту има увид што таа прави. А никогаш не се знае кои сигурносни пропусти ги има таа технологија.

• Конечно, што сево ова значи за операторите. Имплементацијата на lawful intercept значи прилично голема инвестиција во опрема која операторотот мора да ја набави за да бидат исполнети условите на законот. Тоа е инвестиција која не нуди никаква предност за корисниците, ниту генерира профит - туку е чиста загуба. Уште повеќе, поради техничките барања на lawful intercept се ограничува флексибилноста во ширење на мрежата (брз интернет за тие што досега немале никаков). Просто економски кажано, цената на секој корисник сега порасна дури и до 10 пати повеќе.
  
  Уште полошо, додека големите оператори ќе успеат да го реализираат сево ова, за помалите - кои се на маргините на профитабилноста - или пак за некои потенцијални нови играчи на пазарот - ова ќе значи крај на играта.
  
  Сумирано, поскапи услуги, помалку конкуренција на пазарот и се што следува од тоа.

[permalink]

Уставниот суд утврдил дека законот со кој беше вклучено верското образование во државниот, задолжителен образовен процес е против уставен. Нормално реакции од сите страни, но морам да обрнам внимание на оваа: Изучувањето на веронауката ќе придонесе во оттргнување на младите од зависностите. Во последната декада хероинот има убиено 214 млади луѓе во Македонија. Вистинскиот проблем е што во земјава има 25 до 30 илјади зависници од дрога - рече Ѓорчев. Дали Ѓорчев е спремен да презентира цврсти податоци од некое научно истражување кое ќе потврди дека вероучението во основно школо ја спречува злоупотребата на хероин (или други дроги)? Или едноставно си дозволува да искаже било какво тврдење без никаква основа?

I call bullshit on this one (за Ѓорчев, не за одлуката на судот).

[permalink]

Денес, успешен протест на плоштад под мотото „Плоштад Слобода“. Бевме собрани голем број луѓе, млади но и постари, да го афирмираме нашето право како граѓани да го искажеме нашиот став, ако треба и преку протест.

Најважно, немаше инциденти - што можеби покажува дека луѓето и не баш туку така се собираат „спонтано“ да тепаат други.

Мојот личен мотив да отидам на протест беше чувството дека во последниве 18-тина години на независност, не успеавме да изградиме капацитет за граѓанско размислување и делување. Од година во година, постојано се прави по некоја отстапка од граѓанскиот концепт на општество, од републиканското уредување на државата. Тоа доведе и до моментот, пред 2 недели да биде насилно прекинат мирниот протест против црквата на плоштадот... и уште пострашната ноншалантност кон таа случка од страна на дел од институциите во државата.

По таа случка се почуствував и лично одговорен. Во последниве 10 години, мислев дека треба да се занимавам само со тоа што најдобро го знам (активности поврзани со слободниот софтвер), а за останатото ќе се погрижат тие кои им е тоа работа. Но не било така.

„The price of freedom is eternal vigilance“ рекол Томас Џеферсон (цената на слободата е постојана будност/бдеење). Сега останува на сите нас, малку по малку, повторно да ја освојуваме слободата.

Се гледаме на следниот протест :)


ps.
Новица веќе спомна, но да повторам... Фрчковски, Милчин, Костовски и уште кој не беше, немаат што да бараат на протестот. Јасно дека како граѓани имаат право, но тие за разлика од нас другите имале и сеуште имаат многу поголем простор да си ги искажат своите ставови и мислења, и имале и уште имаат и ингеренции и влијание да ги поправат работите. Која иронија е градоначалникот кој го затвори паркот да се појави на протест за слобода.

УА ефтини профитери!!! Се надевам не се гледаме на следниот протест.

[permalink]

Новите Python апликации и framework-ци користат голем број екстерни Python пакети. Само како пример, инсталацијата на Pylons или TurboGears2 повлекува повеќе од 40-тина други пакети (templating јазици, WSGI компоненти за сесии, кеширање итн итн).

Постојат неколку начини на инсталација на сите овие потребни пакети. Едниот е преку пакет менаџерот на Linux дистрибуцијата - на пр. apt-get install python-genshi и сл. Но ова бара root привилегии и ја комплицира инсталацијата на апликацијата на други системи. Уште полошо, некои Python апликации бараат специфични верзии на додатните пакети, а не секогаш дистрибуцијата ја има баш таа верзија.

За среќа, постојат повеќе решенија на овие проблеми, а овде ќе ја документирам таа мене ми е најлесна, користејќи ја алатката pip, со забелешка дела ова решение функционира само за Python 2.6 и понови.

Накратко:

wget https://svn.openplans.org/svn/pip/trunk/pip.py
chmod +x pip.py

export PYTHONUSERBASE=$HOME/my-python
./pip.py install --install-option=--user Pylons

[permalink]

Со оглед дека блогирањето веќе не е толку шизички како порано, а и испадна дека женски не се фаќаат така, го реорганизирав малку блогот за тие што го отвараат директно.

Новата реалност е дека се повеќе користам Twitter и Google Reader за online комуникација, па така, десниот sidebar на блогов сега највеќе е посветен на овие два сервиса. Левиот, „главен“ дел, е намален, повторно во сооднос со „новата реалност“.

BTW. го искористив моментот да ја проверам валидноста на CSS-то и HTML-от... ок е, требаше да поправам некои грешкички направени од невнимание, али сега сѐ е во ред.

ps. ми фали уште еден widget да ги следи сите bug-ови кои ги имам пријавено за разни проекти ... хммм

[permalink]

Mailx (или nail, зависи кога каде) е едноставна command line алатка за читање и праќање на мејл. Мала е, нема зависности и скоро секогаш е инсталирана, алатката често се користи на сервери кои немаат mail сервер за праќање на пораки преку некој smtp сервер. Подржува smtp, imap и pop3, tls и sasl.

Од друга страна, праќање на пораки од адреса која е @gmail.com, а не е пратена преку smtp серверите на google, знае често да заврши во SPAM фолдерите.

Затоа ова упатство кажува како да се намести mailx да праќа пораки преку google, а како бонус и да чита пораки од gmail со imap. Коннфигурацијата стои во $HOME/.mailrc и еве ја како е конфигурирана за мене:

set sendcharsets=ascii,utf-8
set from="Damjan <gdamjan@gmail.com>"
set smtp-use-starttls
set smtp-auth=login
set smtp=smtp.gmail.com:587
set smtp-auth-user=gdamjan@gmail.com
#set smtp-auth-password=secret

set imap-use-starttls
set folder=imaps://gdamjan%40gmail.com@imap.gmail.com:993

mailx -s SUBJECT [-a attach_file] [-b bcc@..] [-c cc@...] recipient@example.org < текстот-на-пораката.txt

[permalink]

Еве за тие што ги мрзи да го прочитаат брзиот водич за подесување на OpenVPN. За да избегне разни firewall-и VPN серверот е подесен да слуша на TCP порта 443 (истата за https).. други опции би биле TCP 80, или UDP 53.

Серверот, треба да биде достапен на интернет (OpenWRT/ddwrt исто може да заврши работа):

cd /etc/openvpn
secret ./secret.key
lport 443
proto tcp-server

log-append /var/log/openvpn.log
dev tun

cipher BF-CBC

ifconfig 10.255.255.1 10.255.255.2
keepalive 10 60

cd /etc/openvpn/
secret ./secret.key

remote x.y.z.w 443 ; x.y.z.w е серверот од горе, ако нема статичка адреса и noip, dyndns или сличните сервиси ќе завршат работа
proto tcp-client

dev tun

cipher BF-CBC

ifconfig 10.255.255.2 10.255.255.1
persist-tun
redirect-gateway def1

keepalive 10 60
verb 3

[permalink]

.. или блого-снепшот



21-ви век, eeeej.

[permalink]

[permalink]

WOW

{извор}

[permalink]

Барам „млад отворен театар“ на google и вториот линк е од овој сајт веројатно направен некаде во 1996. Сите други се од online медиумите кои нешто објавиле во врска со МОТ.

Истото и ако барам „Манаки филмски фестивал“ ... ко да немаат сајт.

Меѓутоа и едните и другите имаат направено сајт ... ама во flash. Тоа освен што ги прави практично не-видливи на интернет, ги прави и нивните сајтови тешко употребливи. Програмата не може да се пребарува, не може да се испринта или (лесно) да се прави copy/paste на текстот. Да не збориме за луѓето кои имаат потешкотии со видот, accessibility issues итн.

Тиња.

[permalink]

GT Transeo 2.0 v-brake, спаѓа во една нова категорија точаци, таканаречени хибриди. Рамот има величина и геометрија на road^? точак, со 700mm тркала од една страна - а од друга страна компонентите му се слични со mountain точак: преден амортизер (50mm од), 3 запчаници напред (48,38,28), 8 назад (11-32), V-brakes и се друго. Гумите се нешто измеѓу, со димензии 700x35 (дијаметар/ширина) се различни и од класичните road кои се многу потенки, и од mountain кои се пошироки и со помал дијаметар (650 x 45-55mm). Сепак имаат мали крампони.

Се одлучив за хибрид - некои ги викаат commuter, comfort или 29ers (поради тркалата) - од проста причина што секако највеќе ќе го возам во град, но ми останува можноста понекогаш да се пуштам по некое патче низ трева или по земја. Големите тркала и амортизерот напред го прават возењето прилично комфорно, дури и на Скопските улици полни со дупки. Исто така големиот рам повеќе ми одговара отколку малите рамови типични за mountain точаците.

Рамот е алуминиумски (не кажуваат точно која легура), и целиот точак тежи околу 13-14кг (не сум го мерел сеуште, така мислам прочитав негде, можда е и потежок пошто е XL величината), што е прифатливо. Веројатно кога би ги заменил компонентите со Shimano XTR (претежно направени од алуминиум/титаниум легури, супер лесни и издржливи, но и многу-МНОГУ скапи) и некоја полесна предна амортизер-виљушка (денес прават бесни работи со carbon-fiber), би се намалила тежината до некои 10-11кг.

Главна конкуренција ми беа: Specialized Crosstrail кој не можев убаво да го споредам бидејќи одма се продал, Trek 7100 и Scott Sportster P5 кои ми се чини имаат нешто послаби компоненти (Scott-от е прилично интересен точак, Trek-от е прилично поефтин, но генерално послаб).

Додатни информации: спецификации - истиот на Bikepedia - слика од моделот за 2009 - слика од моделот 2008 но со диск кочници - голема слика од мојот.

[permalink]

По излегувањето на Firefox 3.0 намерно почнав да го користам без ниедна екстензија, па почнав од нула да барам кои ќе ми бидат најкорисни. Еве ги победниците сега за сега (по азбучен редослед):

• Basics додава копче за нов таб најдесно на лентата со табови. (Update: интересна конкуренција „New Tab Button on Tab Right“).

• Compact Menu 2 ја компресира целата мени лента во само едно мени (кое ми стои десно од search-от), така да воопшто и немам мени лента со што подобро го искористувам просторот на екранот :). Постојат и неколку други слични екстензии (TinyMenu и сл), оваа се покажа како најдобра.

• EzNav е едноставна екстензија која додава нова функционалност на forward/backware/refresh/stop копчињата - со клик на средното копче од глушецот се движиме низ структурата на сајтот (згодно за порно и слични добро структурирани сајтови).

• За Firebug не треба посебно опишување (debuger за web страни), Firebug или ви треба и нема конкуренција... или не ви треба :). Новава верзија е добра дека не троши ресурси додека не го користиме.

• Flashblock; екстензија без која не се може, ги блокира сите flash аплети на страните, а со едноставен клик го пуштам само оној аплет кој ме интересира. Така ниту гледам непотребни flash реклами, ниту ми го успоруваат компјутерот, ниту ми трошат батерија на лаптоп. ПРЕПОРАЧАНО ЗА СЕКОГО!

• Gmail Manager е згодна екстензија која ми овозможува нотификација за нови пораки на gmail, и отварање на gmail со еден клик. AFAIK подобра од другите.

• Keyconfig; порано ја користев за ctrl-кирилично Т да ми отвара нов таб исто како и со латинично Т. Ова беше bug во Firefox 2.0 кој е решен во 3.0. Но екстензијата сеуште ја користам да ги мапирам forward/backward копчињата на Thinkpad тастатурата да ме префрла низ tab-овите. Кој има други желби за оптимизација на користењето тастатура во Firefox може да ја искористи оваа екстензија.

• Tabkit; има многу Tabxxxx екстензии за Firefox, ова ми се покажа дека ги има точно можностите кои ми требаа и ништо повеќе. Доволно едноставна и моќна. Конкуренција: TabMixPlus, TabPreferences, TabOpenRelative, TabScrollWheel и многу други.

• Со помош на User Agent Switcher може да го подесам Firefox да се најавува како некој друг browser. Најкорисно е кога се пријавува како iPhone па на многу сајтови или пак аеродроми и слични hotspot-и ми даваат бесплатен пристап кога инаку наплаќаат.

[permalink]

Mozilla Summit 2008 заврши. Вчера морав порано да си одам од завршната вечера - која btw малку личеше на свадба со смешен бенд на сцена - бидејќи автобусот кон Ванкувер ми тргна во 10pm PDT (7аm Скопско).

Сега (7:30am PDT, 16:30 Скопско) веќе сум во Ванкувер и го чекам авионот за Торонто. Во Скопје ќе бидам утре во 15:30 (Скопско време). Се на се, некои 32 саати пат.

Се надевам списанијата ќе ми дотрајат. Интернет во следниот период тешко - Торонто немаше free wifi, а мислам ни Виена.

ps. освен се друго што ни се случи вчера уште и видов како врне снег во Јули, а нормално и неколку мечки наваму натаму. Тоа ти е... Канада :).

[permalink]